Ce simmo appiccecate? E sissignore…
E mò pecché me faje 'o musso amaro?
Pecché te chiammo: 'Nfame e traditore?
Accussì sò… me piace 'e parlà chiaro…
E si nun sfoco… crepo 'ncuorpo e moro!

Neh! Pe' sapè?
A chi vuò 'ntussecà?
Sò piccerella ancora…
Pozzo scegliere e scartà!
Ca sperisce
E t'ammalisce
Comm' a mme n' 'a può truvà?…
Ca t'arragge? C'aggi' 'a fà?

Pe' dispietto aggi' 'a cantà:
Fronn' 'e limone, oj nì,
'E me te può scurdà!

'Mmiez' a ll'amice hê fatto 'o chiacchiarone,
Me spasso fino a quando mi conviene…
Sì serio? Tu sì ommo? Sì guaglione…
Nun hê saputo prufittà d' 'o bbene,
Pirciò, pe' tte ce vò 'na culumbina!

Neh! Pe' sapè?
A chi vuò 'ntussecà?
Sò piccerella ancora…
Pozzo scegliere e scartà!
Ca sperisce
E t'ammalisce
Comm' a mme n' 'a può truvà?…
Ca t'arragge? C'aggi' 'a fà?

Pe' dispietto aggi' 'a cantà:
Fronn' 'e limone, oj nì,
'E me te può scurdà!

Te ne sì ghiuto? E mò cagnammo frasca,
'O tengo pronto 'o 'nnammurato frisco…
Vene a parlà cu mamma 'o juorno 'e Pasca,
Ca passe e spasse? Oj nì, io te capisco…
Fila deritto ca si no tu abbusche!

Neh! Pe' sapè?
A chi vuò 'ntussecà?
Sò piccerella ancora…
Pozzo scegliere e scartà!
Ca sperisce
E t'ammalisce
Comm' a mme n' 'a può truvà?…
Ca t'arragge? C'aggi' 'a fà?

Pe' dispietto aggi' 'a cantà:
Fronn' 'e limone, oj nì,
'E me te può scurdà!