Arapete, fenesta chin' 'e ffronne,
Famm' affaccià 'nu poco a chella 'ngrata!
Dimme si sta durmenno o sta scetata!
E si scetata penza sul' a mme.

Fenesta janca,
Fall' affaccià!
Chill'uocchie nire
Voglio guardà.
Sere e matine,
Oje Carulì,
P'ammore tujo
Stong' a suffrì.

Oje luna cu 'sti ragge 'nnargentata,
Rischiara 'sta fenesta 'e nenna mia!
Me pare arret' 'e llastre me fa spia
E sente 'sta canzona ca cant'i'.

Fenesta janca,
Fall' affaccià!
Chill'uocchie nire
Voglio guardà.
Sere e matine,
Oje Carulì,
P'ammore tujo
Stong' a suffrì.

Chi sà si 'ncore tene 'o bbene mio…
Chi sà si nun m'ha fatt' 'o tradimento…
Fenesta janca chin' 'e sentimente,
Dimmello si vò bbene ancora a mme!

Fenesta janca,
Fall' affaccià!
Chill'uocchie nire
Voglio guardà.
Sere e matine,
Oje Carulì,
P'ammore tujo
Stong' a suffrì.