'E sserenate

(1917)

music: Vincenzo d'Annibale,
lyrics: E. A. Mario.
Carmine
De Domenico


Tutte 'sti sserenate,
C'aggio cantate
Sott' 'a luna chiara
Pe' 'sta passiona amara,
Cu 'o stesso core 'e ccanto pure mò…
Suonne d' 'a giuventù, suonne passate…
Nun mme ricordo cchiù quant' anne sò…

Canta 'stu core, annummenanno a te,
Ca pe' t'avè,
'N'ora cujeta nun pò stà maje cchiù…
Ma tu sì 'o primmo ammore,
Ll'unico ammore
'E tutt' 'a giuventù…

Ll'ammore mio vincette
Quanno dicette:
"Penza a te, Maria"
E tutt' 'a vita mia
Fuje 'na canzona. E 'na canzona è mò…
È 'na canzona e 'o core mio ce mette
Tutt' 'e speranze ca cchiù belle sò…

Canta 'stu core, annummenanno a te,
Ca pe' t'avè,
'N'ora cujeta nun pò stà maje cchiù…
Ma tu sì 'o primmo ammore,
Ll'unico ammore
'E tutt' 'a giuventù…

E tanta serenate
Se sò cantate
Pe' chist' uocchie belle:
Stelle, ma 'e mmeglie stelle
Ca 'ncielo nun se ponno maje truvà:
Uocchie turchine, doce e appassiunate,
Ca appena 'e ppenzo m'hann' 'a fà cantà…

Canta 'stu core, annummenanno a te,
Ca pe' t'avè,
'N'ora cujeta nun pò stà maje cchiù…
Ma tu sì 'o primmo ammore,
Ll'unico ammore
'E tutt' 'a giuventù…