Don Saverio

(1895)

music: Vincenzo Valente,
lyrics: Pasquale Cinquegrana.
Roberto Murolo
(1912 – 2003)


'A ggente quanta cosa vò sapè!…
Si tengo, comm' 'e ttengo. Neh, pecché?
Ca tutt' 'e ssere tengo società…
Ca dò a mia moglie troppa libertà…
È libera, 'gnorsì; ma che perciò?…
Mia moglie sola sola star non può…
Arap' 'a sala a tutti, è vero… ma…
Mia moglie poi sa bene quel che fa!…

Mia moglie nasce bene: è di Corfù!
E ttene, se capisce, 'o scemanfù.
Ha gusti aristocratici e bontò,
E 'o club, 'o ballo, 'o Circolo ce vò!
Levatele 'nu poco 'e suarè,
E vuje 'a ruvinate… E ppo pecché?
È vero, è corteggiata ovunque, ma…
Mia moglie poi sa bene quel che fa!…

P' 'a musica mia moglie pazza va…
'Nu poco nun pò stà senza sunà.
Ce se spassa 'o maestro de Buscè:
S' 'a mette sotto 'e nnove e 'a lassa 'e tre.
E quanno lloro soneno manch'i'
Dint' 'o salotto mio pozzo trasì!
È vero, stanno sule… 'nchiuse… ma…
Mia moglie poi sa bene quel che fa!…