Pecché nce sì turnata 'a parte mia?
Chi t'ha 'mparat' 'a casa? Chi t'ha 'mparat' 'a via?
Io stevo sulo e triste… cuntento 'e stà scuntento…
Speranno ogne minuto… sunnanno ogne mumento!…
E mmò ca sì turnata
Comme te sonno cchiù?
Si mò te sì cagnata,
Si mò nun sì cchiù ttu!…

Luvateme 'stu quadro 'a cap' 'o lietto…
Che smanie 'int' a 'stu core!… Che ffreve 'int' a 'stu pietto!…
Io m' 'a sunnavo bella… bella comm' a 'sta santa…
'Sta 'nfame ch' è turnata tutta pittata… e ccanta!…
Pecché nce sì turnata?
Chi te cunosce cchiù?
Ma 'o ssaje ca mò sì 'n'ata?
Ma 'o ssaje ca nun sì ttu?!

Ah! Comme s' è cagnata!
Comme m' 'a sonno cchiù?!…