'Na chitarra aggi' 'a accurdata
Pe' cantarte 'na canzona;
Ma 'a fenesta sta 'nzerrata,
Forse nun 'a vuò sentì?

Chesti fronne m'hanno ditto:
"Quanno dormono li Ffate,
Ninnu mio, nun 'e scetate,
Ma lassatele durmì".

'Nfama, 'nfà, tu mò pienz' a durmì…
Faje apposta pe' farme suffrì.
'Nfama, 'nfà, tu mò pienz' a durmì…
Faje apposta pe' farme suffrì.

Sciure belle, che nascite
'Mmiez' a 'st'aria 'mbarzamata,
Vuje surtanto me sentite,
Meh! Facitele affaccià!…

Spont' 'o sole e vasa a vuje,
Primmavera ve dà 'addore,
Sulamente chistu core
Nun pò maje arrepusà.

'Nfama, 'nfà, tu mò pienz' a durmì…
Faje apposta pe' farme suffrì.
'Nfama, 'nfà, tu mò pienz' a durmì…
Faje apposta pe' farme suffrì.

'Nu cardillo 'nnammurato
Va scetanno 'e rrose attuorno,
E pur' isso s'è fermato
Pe' me sentere 'e cantà.

'Na palomma va vasanno
'E caruofane schiavune,
Già s'arapeno 'e barcune
E tu nun te vuò scetà.

'Nfama, 'nfà, tu mò pienz' a durmì…
Ciert' 'o faje pe' farme suffrì!
'Nfama, 'nfà, tu mò pienz' a durmì…
Ciert' 'o faje pe' farme suffrì!