Manto 'e brillante
Pare 'stu cielo
Ca sott' a 'nu velo
Ricamato sta.
'Na fascia azzurra
Luntana pare
'Sta scugliera e 'o mare
Che fa Napule sunnà!
Tiempe felice…
Tiempe passate…
Canzone appassiunate
Vurria sentì cantà…
Vurria sentì chitarre e manduline
Sott' a 'sta luna
Ca chiagnere
Me fa!

Tremma 'stu core
'Nzieme cu mmico,
'Nu ricordo antico
'Ntennerì me fa.
Quanta tristezza
'Mmiez' a 'sta via…
Pure l'ombra mia
Vò sapè Maria che fa!
Tiempe felice…
Tiempe passate…
Canzone appassiunate
Vurria sentì cantà…
Vurria sentì chitarre e manduline
Sott' a 'sta luna
Ca chiagnere
Me fa!

Tutto se scorda,
Gioja e dulore.
Ma pecché ll'ammore
Nun se pò scurdà?!
Maria mò passa
Chiena 'e brillante…
Guarda a tuttequante,
Sulo a mme nun ppò guardà!
Tiempe felice…
Tiempe passate…
Canzone appassiunate
Vurria sentì cantà…
Vurria sentì chitarre e manduline
Sott' a 'sta luna
Ca chiagnere
Me fa!

Chiagne 'sta luna
Ca chiagnere
Me fa!