Neapolitan Songs - Canzona 'e malavita

Canzona 'e malavita

(1912)

music: Ernesto De Curtis,
lyrics: Libero Bovio.
Pino
Mauro


E pportale 'e ccere 'a Madonna,
E pportale 'e rrose e ogne fronna
Tu 'nfunnela 'e llacreme, oi Rò…
Ca si no,
Penza ca 'st'uocchie
Nun vedeno cchiù luce 'e libbertà!
Dincello a mamma mia c' 'a voglio bbene
Quann' è culloquio venesse a parlà.
Falle accapì ca sapato ca vene
P'a Favignana nce vonno 'mbarcà.
Anelle, anelle…
Trasece, sole,
E trase 'int' ê cancelle
Ca dint' ô scuro nun pozzo campà.

E 'mpastece, oi Rosa, dimane
'Na sferra 'e curtiello 'int' ê ppane,
E avvelenace 'a punta, oi Rò…
Ca si no,
Chi sà qua' juorno
Me fanno 'ncuollo a me 'na nfamità!
M'aggio sunnato 'nu vapore a mmare,
E 'nu mare 'ntempesta attuorno a me…
'Stu suonno vene a ddì lacreme amare…
Chi sà 'sta vita mia ch'addà patè!
Anelle, anelle…
Trasece, sole,
E trase 'int' ê cancelle
Ca dint' ô scuro nun pozzo campà.