Partenno me diciste: "Ce lassammo
Pecché 'o destino vò ca ce spartimmo!
Però a 'sti core mò sule e sperdute
'O tiempo sanarrà tutt' 'e fferite!…"

Ma i' voglio a tte, nun voglio 'n'at'ammore:
'Stu core cerca 'o bbene c'ha perduto,
E si luntano 'a tte tutt' è fernuto
Io che ce campo a ffà luntano 'a tte!?

E chi vò bbene nun se sbaglia maje:
Tu staje suffrenno 'e stessi ppene meje!…
Si è chesto dimme, allora, a chi aspettammo?
Pecché, pecché nuje pace nun facimmo?

Turnammo comme e quanno 'nnammurate,
Campavamo 'e pparole suspirate,
Quanno 'nu vaso, 'na parola doce
Felice ce faceva a tte e a mme!

E torna, ammore mio,
Famme turnà a campà!