Avemmaria

(1925)

music: Gaetano Lama,
lyrics: Carlo De Flaviis.
Antonello
Rondi


'E ssiente 'sti ccampane?
Sonano tutte quante 'Avemmaria,
Chiagneno chianu chiano,
Chiammano 'o core mio pe' cumpagnia.
E io penzo ca pe' mme,
'Sta vita nun è vita senz' 'e te.

E nun cantà, Pusilleco,
Canzone 'e 'nnammurate.
È chesta 'a sola musica
P' 'o core mio malato.
Avemmaria,
Suspira e chiagne 'sta passiona mia.

Che sponta a fà 'sta luna
Si nun me trova 'nziem' a tte stasera?
Cadono, a una a una,
Tutt' 'e speranze 'e 'st'anema sincera.
Nun voglio cchiù suffrì,
Sonano 'sti ccampane pe' t' 'o ddì.

E nun cantà, Pusilleco,
Canzone 'e 'nnammurate.
È chesta 'a sola musica
P' 'o core mio malato.
Avemmaria,
Suspira e chiagne 'sta passiona mia.

E comme, nun 'a siente
'Sta voce mia, 'sta voce appassiunata?
M' 'o ddice pure 'o viento
Ca sì 'a cchiù bella e sì 'a cchiù scellarata.
Ma si nun tuorn' a mme,
Io perdo 'a vita mia, perdenno a tte.

E nun cantà, Pusilleco,
Canzone 'e 'nnammurate.
È chesta 'a sola musica
P' 'o core mio malato.
Avemmaria,
Suspira e chiagne 'sta passiona mia.