Avemmaria!
'N'atu juorno è passato 'e chesta vita…
Madonna mia!

'A grazia ca ve cerco, e vuje 'a sapite,
È sempe chella stessa passiona
Ca m'ha strutto 'a salute e vuje 'o vvedite,
Ca manco vuje me canuscite cchiù!

Nun tengo manco 'a forza cchiù 'e pregà!
Si mm'addenocchio i' llà resto 'nchiuvato.
Madonna Santa, i' sò 'nu sventurato,
Chiammateme cu vuje… meglio accussì!

Avemmaria!
'N'atu juorno è passato 'e chesta vita…
Madonna mia!