Neapolitan Songs - "Ammore" è 'na parola

"Ammore" è 'na parola

(1928)

music: Ernesto De Curtis,
lyrics: Raffaele Chiurazzi.
Instrumental version


Quanto t'aggi'aspettata e me ne pento,
'Mmiez' a 'sta via sulagna d'Arenella,
E ssì mancata ô terzo appuntamento,
Femmena bella!

"Ammore" è 'na parola
Ca se 'mpara senza scola.
E pur' i', 'nnucentamente,
M' 'a 'mparaje senza sapè,
Ca 'nu juorno, inutilmente,
T' 'a 'mparavo pure a te!

E me ne pento, eppure sto aspettanno
'O stesso posto, 'nnanz' a 'sta cappella,
Addò p' 'o cielo scuro, mò fa ll'anno,
Tremmaje 'na stella!

"Ammore" è 'na parola
Ca se 'mpara senza scola.
E pur' i', 'nnucentamente,
M' 'a 'mparaje senza sapè,
Ca 'nu juorno, inutilmente,
T' 'a 'mparavo pure a te!

Vintiquatt'ore sona, e aspetto ancora,
Luce 'o balcone tujo 'mmiez' appannato.
Torna a tremmà 'na stella… Ma a chest'ora
Tu staje cu 'n'ato!

"Ammore" è 'na parola
Ca se 'mpara senza scola.
E pur' i', 'nnucentamente,
M' 'a 'mparaje senza sapè,
Ca 'nu juorno, inutilmente,
T' 'a 'mparavo pure a te!