Cantammo 'nzieme ll'urdema canzona,
Napule amata, primm' 'e ce lassà!…
Quanto t'amai, paese 'e passiona,
Chi nun c'è nato, nun t' 'o ppò cuntà!

Canzone allere, canzone 'e mare…
– damme curaggio… – canta cu mme!…
S'io sbaglio e chiagno lacreme amare,
È 'o core mio ca s'alluntana 'a tte!…

Dimane, a ll'alba, parte 'nu vapore,
'Na 'nfama 'o ssape: A buordo ce stongh'i'!
Ll'urdema notte. Napule, 'stu core
Veglia, te chiamma, e nun me fa durmì!

Te guardo: almeno sempe stampata
Dint' a chist'uocchie me rieste tu…
Vurria ca eterna fosse 'a nuttata!
Vurria ca 'o sole nun spuntasse cchiù!

Ma schiara juorno e me saluta 'a luna…
Contr' 'o destino mar' a chi ce va!
'Sta casarella mia senza furtuna,
Cchiù bella pare mò ch'aggi' 'a lassà!

Addio, martirio d' 'o core mio!
Pe' tte se perde 'sta giuventù…
Mamma ca chiagne, vasame, addio!
Napule mio, chi sà s'i' torno cchiù!…

Chi sà s'i' torno cchiù!…