Stasera core e core 'mmiez' ô ggrano,
Addò ce vede sulamente 'a luna,
Io cchiù t'astregno e cchiù te faje vicino,
Io cchiù te vaso e cchiù te faje vasà.
Te vaso e 'o ritunello 'e 'na canzona
Tra ll'albere 'e ccerase vola e va.

Accarezzame!
Sento 'a fronte ca me brucia.
Ma pecché nun me dà pace
'Stu desiderio 'e te?

Accarezzame!
Cu 'sti mmane vellutate
Faje scurdà tutt' 'e peccate.
Strigneme 'mbracci'a te!

Sott'a 'stu cielo trapuntato 'e stelle
Me faje sentì 'sti dete 'int' ê capille.
Voglio sunnà vasanno 'st'uocchie belle,
Voglio sunnà cu tte!

Accarezzame!
Sento 'a fronte ca me brucia.
Ma pecché nun me dà pace
'Stu desiderio 'e te?

E 'nu rilorgio lentamente sona
Ma 'o tiempo s'è fermato 'nziem' a luna.
Io mme vurria addurmì 'mmiez' a 'stu ggrano
Tutta 'na vita, pe' ll'eternità.
E tu m'accarezzasse chiano chiano
E me vasasse senza me scetà.

Accarezzame!
Sento 'a fronte ca me brucia.
Ma pecché nun me dà pace
'Stu desiderio 'e te?

Accarezzame!
Cu 'sti mmane vellutate
Faje scurdà tutt' 'e peccate.
Strigneme 'mbracci'a te!

Sott'a 'stu cielo trapuntato 'e stelle
Me faje sentì 'sti dete 'int' ê capille.
Voglio sunnà vasanno 'st'uocchie belle,
Voglio sunnà cu tte!

Accarezzame!
Sento 'a fronte ca me brucia.
Ma pecché nun me dà pace
'Stu desiderio 'e te?