Abbracciate cu mme!

(1927)

music: Gaetano Lama,
lyrics: Francesco Fiore.
Mario Merola
(1934 - 2006)


Quanno 'stu core canta abbascio Margellina
Cchiù 'e 'nu balcone veco arapì…
S'affaccia Rosa, Carmela, po' Nannina
Ma 'ammore mio nun me vò cchiù sentì,
E scrive 'nfacc' 'e llastre: Tu me faje murì!…
Maria, Marì,
Pe' tte, pe' tte cant' i'!…
Pecché nun cride cchiù
C' 'a vita mia sì ttu?
'O vvì ca tutta Napule
Suspira e chiamma a tte?
E scinne!… Io songo Napule!…
Meh! Abbracciate cu mme!…

Che passione pe' 'stu mare 'e Margellina
Mille canzone me fa sunnà!…
Tutto 'stu vverde 'e chest' onne 'e 'sta marina
Me da 'a speranza… e me fa cchiù campà
Si nenna mia s'affaccia pe' me salutà…
Maria, Marì,
Pe' tte, pe' tte cant' i'!…
Pecché nun cride cchiù
C' 'a vita mia sì ttu?
'O vvì ca tutta Napule
Suspira e chiamma a tte?
E scinne!… Io songo Napule!…
Meh! Abbracciate cu mme!…

Stelle lucente! Luna e sole! Cielo e mare!
Nenna è cuntenta… me vò abbraccià…
M'ha fatto segno, cu ll'uocchie chiare chiare,
Sò 'nnammurata!… e me vò fà cantà…
E 'nfacc' 'e llastre ha scritto: Tu me faje campà!…
Maria, Marì,
Pe' tte, pe' tte cant' i'!…
Pecché nun cride cchiù
C' 'a vita mia sì ttu?
'O vvì ca tutta Napule
Suspira e chiamma a tte?
E scinne!… Io songo Napule!…
Meh! Abbracciate cu mme!…