'A pizzaria 'e don Saveratore

(1902)

music: Vincenzo Valente,
lyrics: Salvatore Di Giacomo.
Instrumental version


Vì che folla s'è fatta ccà 'nnanze!
Neh, scusate, e 'a dò vene 'st'addore?
È 'a puteca 'e don Saveratore
E accummencia stasera a 'ngignà.

Mette 'a coppa, dicitele forte!
Carte 'e Francia, lampiere e spicchiere!
E nun sulo a vedè fa piacere,
Ma dà pure cchiù gusto a pruvà!

Servecciolle e cammarere,
Si 'a signora vuol gustare
Vuje purtateme 'e panare
Ca p' 'o riesto ce penz' i'!
(Coro)
Servecciolle e cammarere,
Si 'a signora vuol gustare
Vuje purtateme 'e panare
Ca p' 'o riesto ce penz' i'!

Comme ll'acqua ca scorre
d' 'a funtana ca sta 'nnante Palazzo,
ccà scorre ll'uoglio e 'a 'nzogna
'ncopp' 'e ppizze!
Ohé!


Sartulella, surdato e sturente!
Sculariello ch' è fatto filone,
Nun dì no 'nnanz' 'a pizza e 'o cazone!
Viene, azzeccate! Azzeccate ccà!

Si 'o guaglione ca scenne addò masto
Quanno passa 'a ccà 'nnanze sperisce,
'A cuntessa purzì scevulisce
Quanno sente 'sta pasta ammaccà…

Servecciolle e cammarere,
Si 'a signora vuol gustare
Vuje purtateme 'e panare
Ca p' 'o riesto ce penz' i'!
(Coro)
Servecciolle e cammarere,
Si 'a signora vuol gustare
Vuje purtateme 'e panare
Ca p' 'o riesto ce penz' i'!

Comme ll'acqua ca scorre
d' 'a funtana ca sta 'nnante Palazzo,
ccà scorre ll'uoglio e 'a 'nzogna
'ncopp' 'e ppizze!
Ohé!


Nun è overo c' 'a pizza fa male.
Nun è overo c'abboffe 'e burelle:
Ccà s' 'a manna a fa fa Cardarelle,
E pe' cura 'e malate 'a vò dà.

E 'a maesta si sta dint' 'e cunte
E se magna 'na pizza 'a semmana
Figliarrà senza manco 'a vammana,
E 'nu mascolo 'e figlio farrà!

Servecciolle e cammarere,
Si 'a signora vuol gustare
Vuje purtateme 'e panare
Ca p' 'o riesto ce penz' i'!
(Coro)
Servecciolle e cammarere,
Si 'a signora vuol gustare
Vuje purtateme 'e panare
Ca p' 'o riesto ce penz' i'!

Comme ll'acqua ca scorre
d' 'a funtana ca sta 'nnante Palazzo,
ccà scorre ll'uoglio e 'a 'nzogna
'ncopp' 'e ppizze!
Ohé!


Servecciolle e cammarere,
Si 'a signora vuol gustare
Vuje purtateme 'e panare
Ca p' 'o riesto ce penz' i'!
(Coro)
Servecciolle e cammarere,
Si 'a signora vuol gustare
Vuje purtateme 'e panare
Ca p' 'o riesto ce penz' i'!

Ohé!