Penzanno ca ll'autunno sta arrivanno,
Quanta tristezza dint' a chistu core,
'Stu povero ciardino tutto 'nfiore,
Già tuttequante fronne sta 'ngiallenno.
Penzanno ca ll'autunno sta arrivanno,
Quanta tristezza dint' a chistu core.

Che brutto core tene 'sta staggiona,
Sfronne 'sti rame senza cumpassiona.
'E sciure cchiù addiruse fa seccà,
Comme n'avesse 'mmiria d' 'e vedè.
Ma vuje cchiù buona,
Quase pe' rispetto,
Stennite 'nterra 'nu tappete 'e fronne
P' 'a ffà passà.

Che brutto core tene 'sta staggiona,
Pure 'sta pianta 'e rose me fa seccà.
Pur' essa comm' a ll'ate addà cadè.