'A via d' 'a porta 'e Massa
Сe sta 'na figliulella
Сu 'na faccella doce 'e santarella.
Pe' chi nun 'a sapesse
Se chiamma munacella,
Ma i' sulo 'o saccio dì che 'nfama è chella.
È furba e fa ll'ingenua,
È peggio cchiù 'e 'na vipera,
'Na strega, 'na birbante.

Munacella d' 'a porta 'e Massa
Uno 'o piglia e 'n'ato 'o lassa.
Te fa tante chelli prumesse,
'O ghiuorno appriesso
Nun è cchiù 'a stessa,
Nun è cchiù 'a stessa.
E io ce 'o vulesse dì a 'nu 'nnammurato:
Tu staje perdenno 'o tiempo e 'a serenata!
Si tu cride 'a munacella,
Vaje a ll'inferno primm' 'e mò!
Siente a mme: vicino a chella
Sulo 'o diavolo ce vò!

Io ll'aggio canusciuta
E 'a saccio bbona a chella
Ca 'stu quartiere 'a chiamma munacella.
Pur' io ce sò caduto
Comm' a tant' ati mille
Pe' chella faccia doce 'e santarella.
Si giura, t' 'o fa credere,
Però 'sta bella femmena
Si vasa, t'avvelena.

Munacella d' 'a porta 'e Massa
Uno 'o piglia e 'n'ato 'o lassa.
Te fa tante chelli prumesse,
'O ghiuorno appriesso
Nun è cchiù 'a stessa,
Nun è cchiù 'a stessa.
E io ce 'o vulesse dì a 'nu 'nnammurato:
Tu staje perdenno 'o tiempo e 'a serenata!
Si tu cride 'a munacella,
Vaje a ll'inferno primm' 'e mò!
Siente a mme: vicino a chella
Sulo 'o diavolo ce vò!

E io ce 'o vulesse dì a 'nu 'nnammurato:
Tu staje perdenno 'o tiempo e 'a serenata!
Si tu cride 'a munacella,
Vaje a ll'inferno primm' 'e mò!
Siente a mme: vicino a chella
Sulo 'o diavolo ce vò!