Neapolitan Songs - 'A 'mmasciata

'A 'mmasciata

(1912)

music: Ernesto De Curtis,
lyrics: Rocco Galdieri.
Instrumental version


Quanno dicette: È inutile,
Nun ne vò cchiù sapè…
E v'a mannato a ddicere
Pe' mme…
I' m'addunaje, guardannola,
Ch'era cchiù bella 'e te!

No, c' 'a cumpagna toja
Ca manco me guardaje
Nun t' 'a piglià pecché
'A colpa nun è 'a soja
Se me ne 'nnammuraje…
Era cchiù bella 'e te,
Cchiù bella 'e te.

Nun me vuleva sentere,
Diceva chesto no…
Nun voglio purtà 'o scrupolo,
'Gnernò.
Ma 'o core quann' è libbero
Pò fà chello che vò…

No, c' 'a cumpagna toja
Ca manco me guardaje
Nun t' 'a piglià pecché
'A colpa nun è 'a soja
Se me ne 'nnammuraje…
Era cchiù bella 'e te,
Cchiù bella 'e te.

E mò? Spisse, vasannoce,
Ce arricurdammo 'e te…
Essa se mette a chiagnere
Pecché…
Se crede quant' è semplice!
Ca tu chiagne pe' mme!

No, c' 'a cumpagna toja
Ca manco me guardaje
Nun t' 'a piglià pecché
'A colpa nun è 'a soja
Se me ne 'nnammuraje…
Era cchiù bella 'e te,
Cchiù bella 'e te.