Quanno fa notte 'nterra Margellina,
Se sceta 'o mare e canta chianu chiano,
Se fa cchiù doce 'st'aria d' 'a marina,
Pure 'e ssirene cantano 'a luntano,
Quanno fa notte 'nterra Margellina…
E cu 'sta luna dint' ê ssere 'e 'state
Io vularria durmì, ma nun è cosa,
Me scetano d' 'o suonno 'sti sserate,
'O mare 'e Margellina e ll'uocchie 'e Rosa.

Stelle c'ascite 'ncielo tutt' 'e ssere,
Ca pe' chest'aria passeno 'e suspire,
Io nne canosco ddoje e songo nere,
E sò lucente, e sò dduje uocchie nire,
Stelle c'ascite 'ncielo tutt' 'e ssere…
E cu 'sta luna dint' ê ssere 'e 'state
Io vularria durmì, ma nun è cosa,
Me scetano d' 'o suonno 'sti sserate,
'O mare 'e Margellina e ll'uocchie 'e Rosa.

A Margellina addò se danno 'e vase
Nce corre 'o core e nce ha pigliato ll'uso,
Se scetano 'e ffigliole a dint' ê ccase
E, da luntano, correno annascuso
A Margellina addò se danno 'e vase…
E cu 'sta luna dint' ê ssere 'e 'state
Io vularria durmì, ma nun è cosa,
Me scetano d' 'o suonno 'sti sserate,
'O mare 'e Margellina e ll'uocchie 'e Rosa.