M'aggio sunnata 'a Madonna d' 'e rrose,
'A Madonna d' 'e rrose
Ca me diceva: Tu 'e vi', quanta spine!
Sò tutte pe' tte!
Si nun 'a lasse sta scritto 'e destino
Ca sarranno pe' tte
E sarranno pe' mme…

Ah!… Ma che mistero è 'o core!
'Nu core ca vò bbene… Che pazzia!
E comme uno ca more
'A pò tenè maje cara 'a malatia!…
E si 'nu santo scennesse 'a cielo
Pe' sanarme 'sta malatia,
Chesta freva ca tengh' 'e te,
Io le dicesse: No! Nun m' 'a voglio sanà!
Nun m' 'a voglio scurdà!

Io, pe' me credere ca me vuò bbene,
Ca tu me vuò bbene,
'Nganno a me stesso cu ciente buscie,
Cu ciente pecché.
È 'a verità ca nun sì cchiù d' 'a mia…
Nun 'a voglio sapè!
Nun 'a voglio sapè!…

Ah!… Ma che mistero è 'o core!
'Nu core ca vò bbene… Che pazzia!
E comme uno ca more
'A pò tenè maje cara 'a malatia!…
E si 'nu santo scennesse 'a cielo
Pe' sanarme 'sta malatia,
Chesta freva ca tengh' 'e te,
Io le dicesse: No! Nun m' 'a voglio sanà!
Nun m' 'a voglio scurdà!