Dicette 'o sole: Stasera i' nun tramonto,
Pecché l'aspetto 'a luna e me ll'aggi' 'a spusà!
E 'na sirena chiammaje 'mmiez' ô mare:
Oj nè, famme, cummara,
Tu sola m' 'a può fà.
'O Vesuvio ca sentette,
Rispunnette, amareggiato:
Ma de me te sì scurdata!
'O compare t' 'o facc'i'.

E va bene, – dicette 'o sole, –
Io ce avevo già penzato,
Tengo tutto appriparato
Il programma è questo qua:

Tutt' 'e chitarre 'e Napule
Hann' 'a venì a sunnà,
E aggio 'nvitato a 'n'angelo
C'addà venì a cantà
L'Avemmaria
'A luna mia…
E po', e po'
Ce vò 'na varca a connola
C'addà cunnulià
E 'o primmo figlio masculo
Ca tu m'aviv' 'a dà.

Spuntaje 'a luna, 'nu poco palliduccia,
Pecché si se 'mmarita emozionata sta.
Pe' velo bianco 'na nuvola teneva
E 'nfronte la luceva
'Na stella comm' a cchè!
Quanno se 'ncuntraje c' 'o sole
Lle dicette 'a primma cosa:
Vuò 'a cuperta e 'o lietto 'e sposa,
T'hê scurdato 'e ll'accattà!

Ma che scherze, – dicette 'o sole, –
Tu mi vuoi mortificare
'O dormito dint' ô mare
Pe' cuperta 'o cielo blu.

Tutt' 'e ciardine 'e Napule
Voglio mobilità,
Pansè, rose e caruofole
T'hann' 'a venì a purtà
Pe' tutt' 'a vita,
Rusella mia…
E po', e po',
Niente, cunfiette a mandorle
Le voglio regalà,
'E pperle e dint' a ll'ostriche
A tutta la città.

'A primma notte 'o sole se 'nfucaje,
Dicette: Ccà dimane, chi sà, si sponto o no!
E chistu passo si corre 'a gonfie vele,
Mamma e che luna 'e miele
C' 'a luna voglio fà.
'O cchiù bello è quann' 'a luna
Trase 'e sette mise appena
Addeventata a luna piena,
'N'ata festa avimm' 'a ffà.

C'allerezza nun ce penzà,
'Nu ninnillo e 'na nennella,
'Nu sciurillo, 'na lunella,
Storia 'argiento 'mbracci'a mme.

Tutt' 'e nutricce 'e Napule
Voglio mannà a chiammà.
'A luna aristocratica
Nun 'e pò ddà succhià
Pe' sciuparria
'A luna mia…
E po', e po'
Ce sta la via lattea
Ca sempe pò assaggià
Col suo latte astorico
Di prima qualità.