Signò… acalate!
Signò… 'a lattara!

'O suonno s'è fatto doce
E Abbrile cchiù doce 'o fa.
Mammà sta perdenno 'a voce,
Me tira a fforza pe' me scetà.
" 'O sole è spuntato a 'n'ora,
Spicciammoce, piccerè! "
Ma io sento ca ll'aria addore,
Addore nun saccio 'e che…

Oj mamma bella,
Nun me mannate cchiù casa pe' casa
Cu 'sti butteglie 'mmane, nun è cosa!
'O latte nun 'o pozzo cchiù purtà!
Sò figliulella
E tutt' 'e giuvinotte d' 'o paese
Me 'ndoppeno e me fanno mille scuse
P' 'a strada nun è cosa 'e cammenà.

Ce sta
Chi me ferma e 'na domanda me vò fà?
Chi pò
'Na risposta a va truvanno primma 'e mò…
E pe' 'stu fatto
Me sto facenno secca 'a ch'ero chiatta,
E stammo a vintitrè butteglie rotte,
Me sò scappate 'a mano, ch'aggi' 'a fà?

'O figlio d' 'o farmacista
'A tosse me vò sanà.
Nicola, ll'elettricista,
Ce spezza 'e file pe' m'aggiustà.
'O giovane d' 'o 'ngigniere
'Na casa vò fravecà,
Ma io penzo a 'nu bersagliere
Ca sempe 'mpriggione sta.

Ce sta
Chi me ferma e 'na domanda me vò fà?
Chi pò
'Na risposta a va truvanno primma 'e mò…
E pe' 'stu fatto
Me sto facenno secca 'a ch'ero chiatta,
E stammo a vintitrè butteglie rotte,
Me sò scappate 'a mano, ch'aggi' 'a fà?

Ammore, ammore 'e che m'hê fatto fà!

Signò… acalate!
Signò… 'a lattara!