Tu nun haje colpa, 'a colpa è tutt' 'a mia.
Ma comme fuje ca 'e te mme 'nnammuraje?
Nun ce sta ammore senza gelusia,
Però 'sta gelusia fa male assaje.

Ma comme fuje ca 'e te mme 'nnammuraje?

Damme 'nu poco 'adduobbeco 'int' ô vino,
Ca nun me fa scetà fino a dimane.
E, mentre sto durmenno a suonno chino,
Mme sonno 'e te vasà 'sti bbelli mmane.

Tanno vurria cadè buono malato,
Quanno sapesse ca t'aggio perduta.
Ma nun vurria sapè ca m'hê 'ngannato;
Ca 'nziem' a 'n'ato te ne sì partuta.

E pe' nun turnà cchiù te ne sì ghiuta.

Damme 'nu poco 'adduobbeco 'int' ô vino,
Si 'n'ato ammore dint' ô core tiene.
E, mentre sto durmenno a suonno chino,
'Nzuonno mme sonno ca me vuò cchiù bbene.

Ma comme fuje ca 'e te mme 'nnammuraje?

Damme 'nu poco 'adduobbeco 'int' ô vino,
Si 'n'ato ammore dint' ô core tiene.
E, mentre sto durmenno a suonno chino,
'Nzuonno mme sonno ca me vuò cchiù bbene.