'A fenesta 'e rimpetto

(1963)

music: Umberto Colonnese,
lyrics: Giuseppe Garofalo.
Maria Paris
(1932 – 2018)


Mò 'nu sfastirio, mò 'nu dispietto
E le da tuosseco ora e mumento.
Sta zitta e muta, nun dice niente,
Essa guarda 'a fenesta 'e rimpetto.

Llà c'è venuta 'e casa 'na faccella 'e Madunnella,
Aret' ê llastre 'nchiuse che vucchella 'e pupatella.
'Nu bellu pizzo a riso, 'na vuciella graziatella,
E 'nu bucciuolo 'e rosa ca fa 'o core cunzulà.
Nun capisco mò 'st'effetto,
È difficile 'a spiegà…
P' 'a fenesta 'e rimpetto
Tutt' 'a collera se ne va.

È cchiù 'e 'na notte ca s'è sunnata
Scennenno 'e presso a dint' ô lietto.
Comm' a 'n'auciello s'era 'mpizzata
'Int' a chella fenesta 'e rimpetto.

Llà c'è venuta 'e casa 'na faccella 'e Madunnella,
Aret' ê llastre 'nchiuse che vucchella 'e pupatella.
'Nu bellu pizzo a riso, 'na vuciella graziatella,
E 'nu bucciuolo 'e rosa ca fa 'o core cunzulà.
Nun capisco mò 'st'effetto,
È difficile 'a spiegà…
P' 'a fenesta 'e rimpetto
Tutt' 'a collera se ne va.