Neapolitan Songs - 'A femmena!

'A femmena!

(1911)

music: Ernesto De Curtis,
lyrics: Rocco Galdieri.
Instrumental version


E tenevo tant' amice,
Comm' a mme, d' 'a stessa età.
Tutt' 'e ssere: Tu che ddice?
Parla… sciglie… e llà se va!

Ma 'na sera ca p' 'e ssette,
M'aspettavan' 'o cafè,
Chella sera te vedette
E lassaje lloro pe' tte.
Ah!…
Chella sera te vedette
E lassaje lloro pe' tte.

E tenevo 'a passione
P' 'e cruvatte e p' 'o vvestì.
Tre costume ogne staggione!
Me piaceva 'e cumparì…

Mò: 'o costume? E nun m' 'o cagno!
Nun m' 'o faccio 'nu gilè!
'Ncuollo a me tutt' 'o sparagno,
Pe' te fà ll'oggette a tte!
Ah!…
'Ncuollo a me tutt' 'o sparagno,
Pe' te fà ll'oggette a tte!

E tenevo… ma che ddico?…
Sì, tenevo 'a giuventù…
E perdennome cu ttico,
T' 'a pigliaste pure tu!

E i', credenno 'e fà felice
Chi tremmava 'mpietto a mme,
Rummanette senz' amice,
Senza mezze e senza te!
Ah!…
Rummanette senz' amice,
Senza mezze e senza te!