Uocchie de suonno, nire, appassiunate…

Tu sì 'a fata d' 'e suonne
C'aspettavano a te!…

Sì, t' 'o scrivo 'stu bigliettino…
Sì, t' 'a manno 'sta serenata…
Ma, cu 'a penna o cu 'o mandulino,
Che te dico? Stamme a sentì!

Maria, Marì,
'St'uocchie lucente e 'sta vucchella rossa,
Primma ca tu nascive
Napule se ccantava.
'Stu nomme tujo, Marì, s' 'o cunnuliava
'Na connola 'e mare
Doce doce…
Tu sì 'a fata d' 'e suonne
C'aspettavano a te!…

Sì, te voglio 'nu sacco 'e bbene…
Sì, me sento dint' a 'stu core
'Nu prufumo ca va e ca vene
Si te guardo senza parlà.

Maria, Marì…

'Stu nomme tujo, Marì, s' 'o cunnuliava
'Na connola 'e mare
Doce doce…
Tu sì 'a fata d' 'e suonne
C'aspettavano a te!…