Beneditto chill' angiulillo
Ca t'acalaje cu 'nu panariello
Dint' ô buco d' 'a cemmenera
Chella sera ca nasciste, piccerè.
Te mettetteno dint' â bambagia
E p' 'a gioja nun se truvaje pace
E fin' anche 'a levatrice
Se 'ncantaje a te guardà.

Quanno nasciste tu, bellezza mia,
Steva 'a luna chiena, chiena, chiena
Ca pur' essa me pareva terrena
E tanta luce vulette dà.
'Na rruvuota, 'n'ammuina,
Fin' a ll'alba d' 'a matina
Tuttequante 'a vuletteno osservà
Chella bella cemmenera di mammà.

Mamma toja pe' 'sti bbellizze
Po' te spusava a uno cu 'e ricchezze.
Me disprezza 'sta ostinata,
Notte e ghiuorno 'nchiusa 'a dinto te fa stà.
E me fa tante e tante dispiette,
I' 'a supporto e nun 'a dongo retta
Pecché saccio ca sì cotta
E i' sò cchiù cuotto 'e tte.

Quanno nasciste tu, bellezza mia,
Steva 'a luna chiena, chiena, chiena
Ca pur' essa me pareva terrena
E tanta luce vulette dà.
'Na rruvuota, 'n'ammuina,
Fin' a ll'alba d' 'a matina
Tuttequante 'a vuletteno osservà
Chella bella cemmenera di mammà.

'Na rruvuota, 'n'ammuina,
Fin' a ll'alba d' 'a matina
Tuttequante 'a vuletteno osservà
Chella bella cemmenera di mammà.