Neapolitan Songs - 'A celentana

'A celentana

(1949)

music: Felice Genta,
lyrics: Giuseppe Russo.
Mauro Caputo
(1943 - 2017)


'Na strada sulitaria, 'nu traino,
'Na voce ca se stenne chianu chiano
E s'allarea pe' ll'aria matutina,
'Nzieme c' 'o primmo suonno d' 'e ccampane.
'Sta voce d'oro porta 'a "nonna nonna"
A chi passa 'e nuttate senza suonne!
Cavallo, si me faje chesta sagliuta,
T'accatto 'o petturale e 'a sunagliera!
E a chi cantanno va p' 'e vvie stramane
Chi sà si ll'eco triste 'e 'sta canzona
Lle pogne 'o core cu migliare 'e spine
Comm' ha fatto cu mme 'na notte sana!

Passata è 'a notte, tramuntata è 'a luna,
Pure 'o traino passa e s'alluntana,
E i' chiagno ca nun tengo cchiù a nisciuno,
Nisciuno ca me penza e me vò bbene!
E mentre 'o friddo d' 'a matina scenne,
Cchiù amaramente ll'eco me risponne.
Ma quant' è bella 'a 'nnammurata mia,
Quanno se 'ncigna la vunnella nova!
E a chi cantanno va p' 'e vvie stramane
Chi sà si ll'eco triste 'e 'sta canzona
Lle pogne 'o core cu migliare 'e spine
Comm' ha fatto cu mme 'na notte sana!

'Na strada sulitaria, 'nu traino,
'Na voce ca se sperde chianu chiano.