L'aggiu ditto 'o parrucchiano:
Parrucchià, tenite a mente,
Ca pe' tutt' 'o mese entrante,
Ca pe' tutt' 'o mese entrante
M'appresento pe' spusà.

E cu ddoje catene astrente,
Fatt' 'e rose rampicante,
Doce doce e chiano chiano
Vuje ce avite 'ncatenà,
Vuje ce avite 'ncatenà.

Nenna tene tutto e niente,
Ma è cchiù ricca 'e tutte quante,
Sott' 'e fronne 'e Capemonte
Tutt' 'e ssere aspetta e canta.
Canta: Ammore, ammore, ohè,
Io pe' dote porto 'o core,
Ninno 'o core porta a mme.

Metto nomme a 'stu festino:
Fantasiammescafrancesca,
E pe' tutt' 'a settimana,
E pe' tutt' 'a settimana
'E giurnale hann' 'a parlà.

Pe' rinfresche l'acqua fresca
D' 'e zampille d' 'a funtana,
Pe' cantate 'e cuncertino
'Nu cardillo è pronto già,
'Nu cardillo è pronto già.

Nenna tene tutto e niente,
Ma è cchiù ricca 'e tutte quante,
Sott' 'e fronne 'e Capemonte
Tutt' 'e ssere aspetta e canta.
Canta: Ammore, ammore, ohè,
Io pe' dote porto 'o core,
Ninno 'o core porta a mme.

Pe' cumpare 'e fazzuletto
Scenne 'o sole e scaccia 'o viento,
Sta cu nuje tutt' 'a jurnata,
Sta cu nuje tutt' 'a jurnata
Quann' è 'a sera se ne va.

Po' s'affaccia 'a luna 'argiento,
Tutt' allera e 'ntulettata,
E m'accende 'a stanza 'e lietto
Pecché 'a luce nun ce sta,
Pecché 'a luce nun ce sta.

Nenna tene tutto e niente,
Ma è cchiù ricca 'e tutte quante,
Sott' 'e fronne 'e Capemonte
Tutt' 'e ssere aspetta e canta.
Canta: Ammore, ammore, ohè,
Io pe' dote porto 'o core,
Ninno 'o core porta a mme.