Pe' tte nun se fanno canzone,
Pe' tte nun ne saccio, Marì…
Cu tte nun ce sta paragone
Cu 'Abbrile, c' 'o mare, c' 'o sole
Pe' ddì ca cchiù ddoce, cchiù 'nfama, cchiù bella tu sì!

Tristezza ll'Autunno,
Ll'Està sentimento te dà;
Tu sì 'a cchiù bella canzona d' 'o munno:
Me parle e m' 'a dice, me vase e t' 'a sent' 'e cantà!

Pe' tte nun ce sta serenata;
T'affacce e 'a canzona tu sì;
Suspiro e 'sta musica amata
M' 'a cantano 'e vvoce d' 'o mare,
E 'Ammore 'a nuttata ll'allonga pe' starte a ssentì.

Tristezza ll'Autunno,
Ll'Està sentimento te dà;
Tu sì 'a cchiù bella canzona d' 'o munno:
Me parle e m' 'a dice, me vase e t' 'a sent' 'e cantà!

Fra 'e bell' 'a cchiù napulitana,
P' 'a grazia e pe' ll'uocchie, tu sì…
Pe' tte parla Napule sana,
Cu tte cielo e mare, aria e sole,
Cu tte tutto Napule ride 'int' a 'st'uocchie, Marì!

Tristezza ll'Autunno,
Ll'Està sentimento te dà;
Tu sì 'a cchiù bella canzona d' 'o munno:
Me parle e m' 'a dice, me vase e t' 'a sent' 'e cantà!