Ogne ssera, p' 'o mare 'e Pusilleco,
Chesta varca me torna a purtà.
Ogne ssera, e sapisse che palpete,
'Nnammurato, 'stu core me dà!

'St'onne ca luceno
Pare c'aspettano
Ca te ce spiecchie, Marì, cu mme…
E te desidero
E me faje chiagnere.
Ah, 'stu mare, 'stu mare 'e Pusilleco
E 'stu core ca sbatte pe' tte!

Pure mò, pure mò, ciente smanie
Fanno ancora 'stu core suffrì.
P'ogne stella ca fila, t'annommeno,
'Mmiez' ô mare, sperduto, accussì!

Cchiù bella e pallida,
Cchiù ddoce e tennera
Te sonno, ammore, vicino a mme.
Torname a ddicere
Cu tutta ll'anema:
Ca nun campe luntano 'a Pusilleco,
'A 'stu core ca sbatte pe' tte!

E te desidero
E me faje chiagnere.
No, nun campe luntano 'a Pusilleco,
Chistu mare m' 'o ddice, Marì!