'A canzona d' 'e stelle stasera
P' 'o mare 'e Napule voglio cantà.
Doce è 'o viento, 'a varchetta è liggiera
'Nnante Pusilleco me porta già.
Già se sentono voce e chitarre,
Tu, Marì, staje 'mpenziero pe' mme.

Senza luna a riva 'e mare
Quant' è bello a ffà ll'ammore!
'Mmiez' ê stelle cadute stasera
Ne teng' una 'int' ê bbraccia… sì ttu!

Che nuttata d'ammore! Me pare
Ca tutta Napule canta cu mme.
Ciento stelle, sperdute p' 'o mare,
"Bella, annascunnete" cercano a tte…
Ma 'stu core te tene attaccata,
Sulo 'a morte ce sparte, Marì.

Senza luna a riva 'e mare
Quant' è bello a ffà ll'ammore!
'Mmiez' ê stelle cadute stasera
Ne teng' una 'int' ê bbraccia… sì ttu!

'A canzona d' 'e stelle sì ttu!