Songo antico e ch'aggi' 'a fà?
Ch'aggi' 'a fà, bell' 'e papà…
Io appartengo a ll'Ottuciento
E mò vaco contro 'o viento,
Ma però, ma però…
Chello ca facite mò
Nun me piace… è 'a verità;
Preferisco 'ammore antico
Ca faceva spantecà…

Vocca a vocca,
Core a core…
Cu 'nu vaso e cu 'nu sciore…
Cu 'nu suono 'e chitarrella
Suspirava 'na nennella…
Mò tu chiamme 'a 'nnammurata
Cu 'nu sisco 'int' â nuttata…
Mò ll'ammore chi t' 'o ddà?
'A bonanema 'e ll'ammore
Nun c'è cchiù, bell' 'e papà…
Tiempe antiche…
Tutto passa…
Mò se joca a ppiglia e llassa…
Si mammà, dint' a 'na recchia,
Me suspira: Guarda, guà…
Io lle dico: Tu sì vecchia…
Statte zitta e nun guardà!…

Nun va cchiù 'nziem' a mammà
'A figliola a passiggià…
Fa ll'ammore "esistenziale",
Po' te scrive 'o "memoriale"…
Dice: "sì"… dice: "ma"…
Maje nun dice 'a verità…
Figlio mio, bell' 'e papà,
Chelli ffemmene 'e 'na vota
Si putesseno turnà…

Vocca a vocca,
Core a core…
Cu 'nu vaso e cu 'nu sciore…
Cu 'nu suono 'e chitarrella
Suspirava 'na nennella…
Mò tu chiamme 'a 'nnammurata
Cu 'nu sisco 'int' â nuttata…
Mò ll'ammore chi t' 'o ddà?
'A bonanema 'e ll'ammore
Nun c'è cchiù, bell' 'e papà…
Tiempe antiche…
Tutto passa…
Mò se joca a ppiglia e llassa…
Si mammà, dint' a 'na recchia,
Me suspira: Guarda, guà…
Io lle dico: Tu sì vecchia…
Statte zitta e nun guardà!…

'A bonanema 'e ll'ammore
Nun c'è cchiù, bell' 'e papà…
Tiempe antiche…
Tutto passa…
Mò si joca a ppiglia e llassa…
Chesto d'ogge nun è ammore…
Mò ll'ammore chi t' 'o ddà?
'Mpignatillo chistu core…
Che n'hê 'a fà, bell' 'e papà!…