Pulecinella
Flag Counter

I testi delle canzoni napoletane

ENG
ITA
RUS

Reginella


Museca: Gaetano Lama,

Vierse: Libero Bovio.

Anno: 1917

Reginella


Musica: Gaetano Lama,

Versi: Libero Bovio.

Anno: 1917

Te sì fatta 'na vesta scullata,
'Nu cappiello cu 'e nastre e cu 'e rrose.
Stive 'mmiez'a tre o quatto sciantose
E parlave francese. È accussì?

Fuje ll'autriere ca t'aggio 'ncuntrata,
Fuje ll'autriere a Tuleto, 'gnorsì.

T'aggio vuluto bbene a tte!
Tu mm'hê vuluto bbene a mme!
Mo nun ce amammo cchiù,
Ma ê vvote tu,
Distrattamente, pienze a me!

Reginè, quanno stive cu mmico,
Nun magnave ca pane e ccerase.
Nuje campavamo 'e vase, e che vase!
Tu cantave e chiagnive pe' mme.

E 'o cardillo cantava cu ttico:
"Reginella 'o vò bbene a 'stu rre!"

T'aggio vuluto bbene a tte!
Tu mm'hê vuluto bbene a mme!
Mo nun ce amammo cchiù,
Ma ê vvote tu,
Distrattamente, pienze a me!

Oje cardillo, a chi aspiette stasera?
Nun 'o vvide? Aggio aperta 'a cajola.
Reginella è vulata, e tu, vola!
Vola e canta, nun chiagnere ccà!

T'hê 'a truvà 'na padrona sincera
Ca è cchiù degna 'e sentirte 'e cantà.

T'aggio vuluto bbene a tte!
Tu mm'hê vuluto bbene a mme!
Mo nun ce amammo cchiù,
Ma ê vvote tu,
Distrattamente, pienze a me!

Ti hai fatto un vestito scollato,
Un cappello coi nastri e con le rose.
Stavi tra le tre o quattro sciantose
E parlavi francese. È così?

Fu l'altroieri che ti ho incontrata,
Fu l'altroieri a Via Toledo, sissignore.

Ho voluto bene a te!
Tu hai voluto bene a me!
Adesso non ci amiamo più,
Ma a volte tu,
Distrattamente, pensi a me!

Reginella, quando eri con me,
Ti accontentavi di poco.
Noi vivevamo di baci, e che baci!
Tu cantavi e piangevi per me.

Ed il cardellino cantava con te:
"Reginella vuol bene al suo re!"

Ho voluto bene a te!
Tu hai voluto bene a me!
Adesso non ci amiamo più,
Ma a volte tu,
Distrattamente, pensi a me!

Oh cardellino, chi aspetti stasera?
Non lo vedi? Ho aperto la gabbia.
Reginella è volata, e tu, vola!
Vola e canta, non piangere qui!

Ti devi trovare una padrona sincera
Che è più degna di sentirti cantare.

Ho voluto bene a te!
Tu hai voluto bene a me!
Adesso non ci amiamo più,
Ma a volte tu,
Distrattamente, pensi a me!