Testi delle canzoni napoletane

Ogne ghiuorno 'na scenata
Nun 'a pozzo suppurtà.
Nun te sì capacitata,
Nun vuò proprio raggiunà.
Si ogneduno 'e nuje s'affanna
P' 'o prubblema d' 'o campà,
Cu un cuore e una capanna
Che vulimmo cumbinà?

'E denare…
'E denare sulamente
Fanno 'e ccose dint' a nniente.
Cu 'e denare addiviente signore,
Cu 'e denare s'imbroglia e se spera
E quanno tocca può scanzà 'a galera,
'O munno te può vennere e accattà.
Sultanto 'o core denare nun ne vò,
Ma cerca 'a libbertà
E aspetta ll'ora d' 'a felicità.

E pur'isso 'stu paese
Nun se pò cchiù guvernà.
Cu 'e lusinghe, cu 'e surprese,
Cu 'e cuntraste e c' 'o parlà
Chi vò tutto, chi vò niente,
Chi 'o vò russo e chi marrò
Ma nisciuno seriamente
Penza a chello ca ce vò.

'E denare…
'E denare sulamente
Fanno 'e ccose dint' a nniente.
Cu 'e denare se vinceno 'e guerre,
Cu 'e denare se fa 'o deputato,
Diviente intelligente e rispettato,
Quanta cchiù fessarie tu saje smammà.
Sultanto 'o core denare nun ne vò,
Ma cerca 'a libbertà
E aspetta ll'ora d' 'a felicità.

Ogni giorno una scenata
Non la posso sopportare.
Non ti sei capacitata,
Non vuoi proprio ragionare.
Se ciascuno di noi si affanna
Per il problema di vivere,
Con un cuore ed una capanna
Cosa vogliamo fare?

I soldi…
I soldi solamente
Fanno le cose in un niente.
Con i soldi diventi signore,
Con i soldi si imbroglia e si spera
E se capita puoi evitare il carcere,
Il mondo puoi vendere e comprare.
Solo il cuore soldi non ne vuole,
Ma cerca la libertà
E aspetta l'ora della felicità.

Ed anche questo paese
Non si può più governare.
Con le lusinghe, con le sorprese,
Con i contrasti e con il parlare
Chi vuole tutto, chi vuole niente,
Chi la vuole rossa e chi marrone
Ma nessuno seriamente
Pensa a quello che ci vuole.

I soldi…
I soldi solamente
Fanno le cose in un niente.
Con i soldi si vincono le guerre,
Con i soldi si fa il deputato,
Diventi intelligente e rispettato,
Quante più sciocchezze sai dire.
Solo il cuore soldi non ne vuole,
Ma cerca la libertà
E aspetta l'ora della felicità.