Pulecenella
Flag Counter

Strumenti
napoletani

La tammorra

Testi delle canzoni napoletane

RussiaRUS
ItaliaITA
InghilterraENG

Core furastiero


Museca: E. A. Mario,

Vierze: Alfredo Melina.

Anno: 1923

Cuore forestiero


Musica: E. A. Mario,

Versi: Alfredo Melina.

Anno: 1923


'Stu core sbarca a Napule
Comm'a 'nu gran signore,
Comm'a 'nu gran signore!
Campaje tant'anne 'America,
Campaje tant'anne 'America…
Mò chi 'o cunosce cchiù, poveru core?
Mò chi è?... 'Nu furastiero
'Nnammurato d' 'a città…
" 'O 'scellenza! – fa 'o cucchiere –
Signurì, pozz'avutà?"
E se ne va, cuntento, cu 'o cucchiere,
'Stu core ca s'è fatto furastiero.

E corre via Caracciolo,
Lucente e tutta sole,
Lucente e tutta sole!
"Mussiù, chist'è Pusilleco!
Mussiù, chist'è Pusilleco!"
Ma 'o furastiero, zitto, a 'sti pparole
Se ricorda chelli strate
Ca 'o facettero sunnà.
Quanta coppie 'e 'nnammurate
Fino a tarde, 'int'a ll'està!
E chiacchiarea sul'isso 'stu cucchiere,
Ca piglia 'o core mio pe' furastiero.

Po' se fa notte. Napule
È tutta 'nu sbrennore!
È tutta 'nu sbrennore!
E saglie 'ncopp' ô Vommero,
E saglie 'ncopp' ô Vommero
Addò se fece core chistu core.
"Signurì, che ne dicite
D' 'e bbellizze 'e 'sta città?
'O 'scellenza, vuje chiagnite?
Signurì, chi v' 'o ffa fà?"
E nun se fa capace 'stu cucchiere:
Si chiagne 'o core… nun è furastiero!



Questo cuore sbarca a Napoli
Come un grande signore,
Come un grande signore!
Visse tanti anni in America,
Visse tanti anni in America…
Ora chi lo conosce più, povero cuore?
Adesso chi è?... Un forestiero
Innamorato della città…
"Eccellenza! – fa il cocchiere –
Signorino, posso andare?"
E se ne va, contento, con il cocchiere,
Questo cuore che è diventato forestiero.

E corre per via Caracciolo,
Lucente e piena di sole,
Lucente e piena di sole!
"Monsieur, questo è Posillipo*!
Monsieur, questo è Posillipo!"
Ma il forestiero, in silenzio, a queste parole
Si ricorda quelle strade
Che lo fecero sognare.
Quante coppie di innamorati
Fino a tardi, in estate!
E parla da solo questo cocchiere,
Che pensa che il mio cuore sia forestiero.

Poi si fa notte. Napoli
È tutta uno splendore!
È tutta uno splendore!
E sale sul Vomero**,
E sale sul Vomero
Dove si fece cuore questo cuore.
"Signorino, che ne dite
Delle bellezze di questa città?
Eccellenza, voi piangete?
Signorino, chi ve lo fa fare?"
E non capisce questo cocchiere:
Se piange il cuore… non è forestiero!

tradotto da Natalia Cernega

* Posillipo è un borgo di Napoli,
** Vomero è un quartiere di Napoli.