Pulecinella
Flag Counter

I testi delle canzoni napoletane

ENG
ITA
RUS

Canzona bella


Museca: Eduardo Di Capua,

Vierse: Vincenzo Russo.

Anno: 1904

Canzone bella


Musica: Eduardo Di Capua,

Versi: Vincenzo Russo.

Anno: 1904

Vuje, ca d' 'e bbelle la cchiù bella site,
Veniteve a affaccià for' 'o balcone!
Scetateve 'nu poco, nun durmite!
Sentite quant'è ddoce 'sta canzona!

Chesta canzona, ca ve stò cantanno,
È tutta sentimento e 'spressione
Ca vene da 'nu core 'e passione.
'Stu core ca, pe' vuje, soffre 'a 'n'anno.

Vurria addeventà chistu cuscino,
Addò 'sta faccia 'e rosa vuje appujate.
Sul'accussì ve venarria vicino
E vasarria 'sti ttrezze avvellutate.

Bella, ca d' 'e bellizze ca tenite,
Facite 'mmiria 'e stelle 'e 'mmiez'ô cielo.
P' 'o scuorno, 'a luna già s'ha miso 'o velo
Pecché cchiù bella d'essa vuje parite.

Tutte 'sti rrose 'e for'a 'sta fenesta,
Aspettano ca forse v'affacciate.
Ve stanno priparanno già 'na festa
Pe' quanno vuje, da 'o suonno, ve scetate.

E si 'stu suonno, a vuje, ve dà arricietto,
Pe' me, 'o suonno nun esiste maje.
Mme diceno 'e llenzole 'e dint'ô lietto:
"Si vene nenna toja, durmarraje".

Voi, che tra le belle la più bella siete,
Venite ad affacciarvi al balcone!
Svegliatevi un po', non dormite!
Sentite quanto è dolce questa canzone!

Questa canzone, che vi sto cantando,
È tutta sentimento ed espressione
Che viene da un cuore di passione.
Questo cuore che, per voi, soffre da un anno.

Vorrei diventare questo cuscino,
Dove questa faccia di rose voi appoggiate.
Solo così vi verrei vicino
E bacerei queste trecce vellutate.

Bella, che dalle bellezze che avete,
Fate invidia alle stelle in mezzo al cielo.
Per la vergogna, la luna già si è messa il velo
Perché più bella di lei voi sembrate.

Tutte queste rose fuori dalla finestra,
Aspettano che forse vi affacciate.
Vi stanno preparando già una festa
Per quando voi, dal sonno, vi svegliate.

E se questo sonno, a voi, vi dà riposo,
Per me, il sonno non esiste mai.
Mi dicono le lenzuola nel letto:
"Se viene la tua amata, dormirai".